corddigital النتائج الاولى في جوجل اول طلبات العميل بعد تصميم موقعه| كورد ديجيتال
  عاوز-الويب-سايت-يطلع-في-اول-صفحة-في-جوجل

لنتائج الاولى في جوجل اول طلبات العميل بعد تصميم موقعه

اكيد الموقف ده كلنا اتعرضنا ليه ساعتها بتبقي حاسس إنك مدرب بودى بيلدنج و واحد جايلك عايز يعمل فورمة لازار انجيلوف في اسبوع عشان طالع الساحل. في الحالة دى انت مهما كنت قوى في ال SEO  او معاك شهادات ايه من Google او بطل ال PPC  و ال AdWords كله ده مش هينفعك, لأنك محتاج تفهم الكلينت العملية ماشية أزاي و ان الموضوع فيه تشابه كبير بينه و بين البودى بيلدنج,

شاهد ايضا اهم التوقعات المستقبلية للسيو

يعنى مثلا الويب سيت نفسه لازم يتأسس كويس بحيث يكون  Search Engine Friendly  بمعنى انه ميكونش فيه مشاكل تأثر على انه يتعمله  Listingفي جوجل مثلا كمان لازم يضاف عليه المعلومات في الأماكن المضبوطة عشان جوجل يقدر يقرأها بكدة تبقى انت قدرت تأسس بدايات ويب سيت يطلع في جوجل طيب برده كده لسه مأخدش rank كويس.

هنا تبدأ مجهوداتك في بناء الروابط الخارجية و تعديل معلومات الموقع و كتابة المقالات و عمل الإعلانات ...الخ كده انت ابتديت يبان انك بتلعب حديد و الشغل ابتدى يبان على الموقع بتاعك

طيب نعمل ايه بعد كدة؟ في المرحلة دى الموضوع بيبقى اصعب لانك في مرحلة التشريخ بمعنى انك دلوقت لازم تحسن من كتابة المحتوى للموقع و تعلى مستوى جودة الروابط اللى انت بتبنيها كمان تعمل تحليل لمجهوداتك و ازاى تقدر تحسنها عشان توصل لنتائج افضل.

دلوقت هل هنكون في اول صحة و لا لأ؟! الإجابة غالبا ايوة بس فين في اول صفحة ده لبيعتمد على منافسيك ممكن يكونوا عملوا زيك بالضبط و ممكن يكون عملوا SEO احسن فبالتالى انت لازم تشوف هما عملوا ايه و تعمل احسن منهم عشان تاخد ترتيب افضل الموضوع دة بيكون من خلال ال Competition analysis.

كدة الحمد لله نكون وصلنا للفورمة اللى احنا عايزنها بس فيه حاجة...عمرك سمعت عن حد بطل يلعب حديد اول ما وصل للفورمة اللى هوة عايزها؟؟ اكيد لأ نفس القصة في ال SEO لازم تواصل المجهودات اللى انت عملتها عشان تفضل على نفس المستوى خصوصا ان فيه منافسين بيحاولوا يوصلوا هما كمان، تقريبا زي السباق واللي هيوقف غيره هياخد مكانه.

شاهد ايضا أهمية اشهار المواقع وتهيئة المواقع لمحركات البحث

ذات صلة

اتصل بنا

Cord Digital