ابرز مزايا و عيوب تصميم موقع ووردبريس تفصيلا | شركة كورد ديجتال

  مزايا و عيوب وورد بريس

ابرز مزايا و عيوب وورد بريس

ووردبريس هو نظام إدارة المحتوى (CMS) الأكثر استخدام من طرف الاشخاص اللى بدوا حياتهم كمصورى الويب . و السبب فى ده عشان الورد بريس سهل الاستخدام و واضح الوظائف . لكن عشان تصمم موقع الكترونى مهنى و بمنتهى الاحترافيه لازم تدرس اكثر و بشكل عميق عن وظائف الورد بريس . و دلوقتى هنقولك بعض النصائح حول مزايا و عيوب ووردبريس.

اقرا ايضا عن الفرق بين الدومين والهوست

مزايا ووردبريس :

 

1- واجهة بسيطة وسهله :

خلال مرحلة الاختبار من شركة ووردبريس كانت الواجهة  مربكة جدا ومعقدة لدرجه كبيره جدا خلت مصوري الويب يهربوا من استخدامها. لكن مع مرور الوقت و مع بعض التحسينات من شركة ووردبريس اصبح استخدامها سهل بديهي جدا، عشان كده اى شخص حتى لو مش بيفهم برمجة و اكواد يقدر يستخدم الورد بريس بمنتهى السهوله من غير اى مشاكل فى فهمه .

 

2- الشكل الجمالى للموقع (Theme) :

باستخدام وردبريس تقدر تستخدم تصميمات و تخطيطات كثيره و جميلة و بالطريقة اللى انت شايفها انها مناسبه لمجالك. تقدر ببساطة انك تصمم صوره او تخدها من الانترنت و تحملها على موقعك لاضافه مزيد من الجمال لتصميم الموقع و تقدر كمان تغيير من حجمها و ابعادها بالطريقه اللى انت عاوزها .

 

3- مصدر حر و مفتوح:

لكل المطورين المحترفين والهواة يتعتبر ووردبريس مجانى و مفتوح المصدر يعنى اى مستخدم يقدر يستخدم الكود بتاع الموقع بحريه تامة و ممكن ينقله و يعدل عليه كمان بالطريقة اللى عاوزها.

 

4- محبب من متخصصى تحسين المواقع :

كثير من خبراء تحسين المواقع SEO  بيحبوه لانه سهل الاستخدام و فيه مزايا كثييييره جدا بتسهل لهم شغلهم على سبيل المثال ميتا الكلمات و الوصف و العنوان لكل الصفحات و عمليات اعادة التوجيه .. و غيرها ، كل ده بالاضافه الى ان الوردبريس بيوفر اضافات تقدر تسطبها عليه عشان يسهل من عملية السيو ليك .

 

لكن لكل منتج و برنامج ليه مزايا و عيوب .. فلازم نعرف ايه عيوبه عشان نحاول نتفادها  .

 

بعض عيوب الووردبريس هى :

 

1 – الامان :

كثير من الهاكرز عارفين ان الوردبريس هو الاكثر انتشراً و استخداما لكثير من المواقع عشان كده هو بيحظى باهتمام كبير من الهاركز و قراصنة الانترنت حيث ان كل يوم بيحصل عمليات هاكرز يوميا على مواقع الورد بريس لاختراقها .

 

2 – التحديثات :

عملية تحديث الوردبريس احيانا كثير بتكون صعبه و معقدة لكثير من الناس ،فاذا كان فى موقعك عدد كبير من الاضافات Plugin على موقعك فمن المرجح انك تضطر الى انك تعمل تحديث واحد على الاقل كل اسبوع . لما نيجى نتكلم عن الورد بريس فاحنا بنتكلم عن المتابعه اليومية لموقعك و التحديثات و الاضافات الخاصه بالوررديرس عشان تحافظ على موقعك .

 

عشان كده و انت بتستخدم ووردبريس مع كل مزاياه و فوائده الكثيره لازم تاخد بالك و تكون حريص جدا على انك تتابع موقعك عشان تحديثاته لانه فى الاول و الاخر هو موقعك انت.          

اقرأ ايضا افضل 10 ادوات لتحديد ترتيب موقعك فى محركات البحث

الأخبار

Cord Digital