corddigital اهم خصائص التسويق الالكتروني للمنتجات او الخدمات | كورد ديجتال
  اهم-الاختلافات-بين-التسويق-لمنتج -والتسويق-لخدمة

اهم الاختلافات بين التسويق لمنتج والتسويق لخدمة

عشان تبدا مجال التسويق الالكتروني او مجال التسويق بشكل عام ... لازم تكون عارف الفرق بين التسويق لمنتج و التسويق لخدمة فلو انت مهتم بمجال التسويق فالمقال دا هيفيدك فى انك تحدد اساليب ادارة وقياس الاداء و اليات الحصول علي ميزة تنافسية ليك في السوق بتاعك

 

اولا : لازم تكون فاهم ان في الاغلب التسويق لمنتج مش بيكون لوحده ،لا دا بيكون معاه في نفس الوقت التسويق للخدمة ، مثلا لو حد داخل مطعم هيكون مستني حاجتين …

 

  1. -  قوة وجودة الاكل " المنتج "
  2. -  الاجواء الداخلية في المطعم واسلوب ال staff  " الخدمة "

 

عشان كدة انت مثلا كصاحب مطعم  بتبني التسويق بتاعك علي اظهار قوة الاكل " المنتج " والمطعم عامل ازاي من جوة وطريقة استقبال وخدمة ال staff لل customers  " الخدمة "، في المنطقة دي بيجي دور حاجة مهمة جدا اسمها Blueprinting & flowcharting ودى هنتكلم عليها بشرح case study الاسبوع القادم.  

 

 

ثانيا : المنتج حاجة ملموسة " tangible  "  تقدر تلمسها بايديك وتشوفها بعينيك وتجربها قبل ما تشتريها  لكن الخدمة حاجة محسوسة " intangible " معتمدة علي الاعتقاد والتصديق والثقة في الخدمة اللى تسوق لها.

 

العميل بيروح يدفع فلوس في المنتج علشان القيمة اللى بيلاقيها في الحاجة اللى جوه العلبة اللى بتغلف المنتج زي مثلا تلفزيون ، نضارة شمس وغيره…

لكن الناس بتدفع فلوس في الخدمة علشان القيمة اللى بيقدمهالهم الشخص اللى بيعمل الخدمة ، زي مثلا العميل بيدفع للدكتور قيمة الكشف علشان الخدمة اللى بيقدمها الدكتور ، وغيره…يعني من الاخر

 

قيمة المنتج بتكون في كيفية اختيار الخامات وتحويلها لمنتج نهائي ودا البيلعب عليه ال Marketers في الحملة التسويقية بتاعتهم اما قيمة الخدمة بتكون في ان ازاي الحاجة اللي مش ملموسة دي هتكون مفيدة للعميل

 

يعني الخدمة عشان تبيعها اولا لازم مقدمي الخدمة يكونوا متدربين كويس قوي علي كيفية شرح استخدام الخدمة وانها ازاي هتآثر ايجابيا علي العميل ، زي مثلا اية اللى بيميز الويب سيت عن التاني ، طبعا القوة التقنية للويب سيت لكن المهم جدا للعميل ان الويب سيت دا يكون …user friendlyيعني مفيد و سهل الاستخدام للعميل وهنا بقي ال Marketers بيلعبو علي المنطقة الحسية للعميل.

 

 

ثالثا : وانت بتعمل ماركتينج لخدمة لازم تروج لثقة وقدرة انك تؤدى الخدمة اللى بتبيعها زي ما بتوصفها لانك هنا انت مش بتبيع حاجة ملموسة زي المنتج اللى بتبيعه وبتاخد فلوس ، لكن في حالة الخدمة العميل مش بياخد حاجة ملموسة لكن بيكون مستني يحصل علي نتائج متوقعة من شرائه للخدمة.

 

 

رابعا : في الاغلب الناس بتحب في المنتج  تشوف التسويق اللى بيوريها جودة المنتج والخامات المستخدمة في تصنيعه اللى بتكون معتمدة علي معيار standard  ، مع العلم ايضا ان ممكن وانت بتعمل تسويق لمنتج تلعب علي المنطقة الحسية كمثلا ال perfumes  الرجالي ، غالبية الاعلانات بتلعب علي حتة انك لما تستخدم ال perfume  دا هتكون مرغوب من ال females.

 

اما في التسويق لخدمة فهنا بتيجي حاجة اسمها ال customization ، انت هنا بتبدا من حيث ما انتهي الاخرون و بتدور علي النواقص الموجودة في الخدمة وبتوجدلها تعديل Customization ، عشان تلاقي لنفسك ميزة تنافسية وتكون مختلف عن الناس اللى بتقدم نفس الخدمة دي.

 

* مثلا في التسويق الإلكتروني ، الموضوع بيعتمد علي حاجتين :

1 -  قوة الفكرة و المحتوي سواء كان كتابي او صور او فيديو

2 - استهداف العميل المناسب .

 

علي سبيل المثال انت عامل فكرة و محتوي جامد جدا بس مستهدف غلط او حتي مستهدف صح الي حد ما ، بس موسع دايرة اختيارياتك للعميل ، فهتلاقي ان الناس اللى بتتفاعل مع البوست بتاعك لا تتعدي ال  ٢ ٪ او ٣٪ من الناس اللى شافوا البوست بتاعك ، ف ايه فايدة ان ١٠٠٠ واحد يشوف البوست بتاعك بس اللى يتفاعل  ٥ او ٦ ؟

 

  • عندنا في #Cord_Digital بنضمنلك محتوي كتابي تسويقي متخصص، صور مبتكرة خاصة بيك انت بس ، فيديوهات عالية المستوي بتناسب مختلف الشرائح من العملاء والاهم ان طريقة اختيارنا للعميل المستهدف فريدة من نوعها ، فا انت كدة ضمنت ان الفكرة والمحتوي المبتكر هيوصل للعميل اللي انت عايزه بس، فهتلاقي زيادة في conversion rate  ….اللى هيتحول الي زيادة  في ال leads اللى بيضمنلك زيادة في العائد علي الاستثمار .“ ROI “

اعرف اكتر عن فيديو الرسوم المتحركة \ أفضل شركات تسويق الكتروني بمصر

 

 

 

ذات صلة

اتصل بنا

Cord Digital