corddigital افضل 10 ادوات لمعرفة ترتيب موقعك الالكتروني في جوجل | كورد ديجتال
  افضل-10-ادوات-لتحديد-ترتيب-موقعك-فى-محركات-البحث

افضل 10 ادوات لتحديد ترتيب موقعك فى محركات البحث

ازاى اعرف ترتيب موقعى فى محركات البحث ؟

كثير مننا مش بيعرف ترتيب موقعه رقم كام فى محركات البحث ؟ رغم انه يعتبر من اهم و اكثر الجوانب اللى بتبين و توضح مدى صحه شغلك . سواء كنت صاحب الشركه او مسئول قسم التسويق الالكترونى او متخصص SEO لازم تتحقق من ترتيب الكلمه الرئيسية اللى انت مركز عليها للظهور فى محركات البحث و هنا هنركز على جوجل لانه صاحب النسبه الاكبر فى الانتشار فى محركات البحث ، بس لازم نوضح شيئ مهم جدا قبل عرض المقاله و هى ان ادوات seo كثييييييره جداااا ، فهى اسمها اداه عشان بتساعد بس مش بتنفذ ، فاهتم اكثر بنفسك و بشغل و ادوات seo بعدها هتوضح مدى جوده شغلك .

 

فى ادوات seo كثيره مفيدة جدا تقدر من خلالها تحدد ترتيب موقعك فى محركات البحث فاستخدام الادوات دى بيساعدك على تحسين شغلك و خططك فى مجال التسويق الالكترونى ، و ممكن من خلال ادوات seo دى تقدر من خلالها تعرف الكلمات الرئيسية الاكثر فاعليه و الاكثر استهدافا فى جوجل ، و عشان تحقق ده هنستعرض بعض ادوات seo مش كلها اللى هتوفر عليك عناء و جهد البحث اليدوى اللى بيعتبر نتائجه مش دقيقة بنسبه كبيره .

 

1 - Search Console (webmaster tools  )

اذا كنا هنتكلم عن محرك البحث جوجل فهنلاقى اكثر من طريقة نعرف ترتيب موقعنا من خلال ادوات جوجل المجانية اللى بيوفرها لنا ، و الاداه اللى لازم كل متخصص SEO  يعرف يستخدمها هى ادوات مشرفى المواقع . فى اكثر من طريقه بيوفرها لنا جوجل عشان نعرف ترتيب موقعنا سواء من جوجل اناليتكس او ادوات مشرفى المواقع . 

2 -  SE Ranking

يعتبر من الادوات المفيدة اللى هتسهل من معرفه ترتيبك بكل سهوله و يسر ، و ممكن من خلالها تقدر تعرف الترتيب للكلمات الرئيسية فى اكثر من محرك بحث زى " جوجل – ياهو – بينج – و غيرها " ، و من مزايا الاداه دى بتعرف حركة الزوار للموقع بتاعك وبتقدر تتعرف على المحتوى الموجود فى الموقع الخاص بك ، كمان ممكن تدمج الاداه دى مع ادوات مشرفى المواقع من جوجل ، و ممكن من خلالها انه يوصل للبريد الالكترونى الخاص بك اخطار باحدث التطورات و التغييرات اللى حصلت على الموقع مع اعطاء دليل و تقارير تفصيلية .

 

3 - Authority Labs

من الادوات المفيدة لكل صاحب شركة اونلاين لانه بيقدم نتائج دقيقة على نتائج البحث الطبيعية ، هى اداه مفيله و سهله جدا و مساحته صغيره جدا  و بتساعدك الاداه دى على ازاى محركات البحث بتدور على موقعك و تارشفها و بتبين ترتيب علامتك التجارية الخاصه بك . ممكن تتبع ترتيب موقعك على اساس البلد ، المدينة ، الرمز البريدى اذا كنت تستهدف دولة معينة . و برضوا بيوفر لك تتبع الترتيب من خلال الموبايل و تقدر تتابع المنافسين من خلاله ، الاداه دى بتديكم تقرير مفصل لكل المعلومات المحتاجها عن الزوار .

 

4 - Traffic Travis

هو برنامج و اداه منها المجانية و المدفوعه ، هى تعتبر اداه للمتخصصين فى مجال SEO  اكثر للتبع ترتيب موقعك و بيدى تحليل كامل عن الصفحات الداخليه للموقع ، عيبه ان الحساب المجانى بيحلل 500 صفحة فقط  .

 

5 - Web CEO 

اداه حلوه جدا و بسيطه خاصه لاصحاب الشركات  لانها بتديلهم مؤشر عن موقع الشركة و المحتوى و الزوار و غيرها من المعلومات اللى بيدور عليها كل صاحب شركة ، فى منه تطبيق تقدر تنزله على موبايلك لمتابعه النتائج من خلال موبايلك دون الحاجه الى الكمبيوتر ، ومن مزايا الاداه دى انها بتوفر لك معلومات عن الجمهور المتوقع و الجمهور الحاليين و تتبع الزوار و ادوات البحث على الكلمات الرئيسية و البحث فى خرائط جوجل و غيرها من المزايا ، فعلا اداه جميله جدا ، و برضوا من عيوبها انها مجانية لفتره محدوده .

 

6 - Advanced Web Ranking 

مش مختلفه كثير على السابقه بس اهم مزاياها انها بتديك نتائج الترتيب على نحو مستقل فى ملف مستقل تقدر من خلاله انك تحسن بيه ترتيب موقعك و تعرف بيه المنافسين الاخرين ، بتقدم تقارير عن الاداء و الترتيب الحالى لموقعك فى الكلمات الرئيسية اللى انت عاوز تركز عليها و بتقدم تقرير تحليلى عن المنافسين و تقرير على الباك لينك او الراوبط الخارجية و السوشيل ميديا وغيرها . برضوا من عيوبها انها مجانية لفتره محدوده .

 

7 – SEMrush

من افضل الادوات على الاطلاق ، معروف لكل متخصصين ال SEO فهو من افضل الادوات لفحص الكلمات الرئيسية و الموقع الخاص بك و المنافسين ، كل المطلوب انك تدخل الكلمه الرئيسية او ال URL الخاص بموقعك ، ممكن تاخد تفاصيل اكثر من خلال الحساب المدفوع ، برنامج مدهش بيوضح كل شيئ عن موقعك من خلال الباك لينك او الروابط الخارجية و الكلمات الرئيسية و الترتيب الحالى و غيرها من المزايا الرائعه ، من عيوبه انه بيسمح لاصحاب الحسابات المدفوعه بمزيد من المعلومات عكس اصحاب الحسابات المجانية ، و من ضمن عيوبه انه مش بيغطى كل دول العالم .

 

8 – Serpfox

الهدف الرئيسى للاداه دى هو مراقبه كلماتك الرئيسية تلقائيا كل يوم ، فهو هيتاكد من احدث التصنفيات و الترتيب لموقعك فهو بيدور ضمن افضل 500 موقع فى نتائج البحث و ده من ضمن عيوبه فى نفس الوقت ، و بيسمح لك انه يبعت لك الاشعارات و التقارير الخاصه بال SEO  للموقع الخاص بك

 

9 – SerpWoo

يعتبر من اسهل الادوات لكن للاسف هو متاح لفتره محدوده ، بيساعدك فى الحصول على اخطار باخر الاخبار و التنبيهات الخاصه بموقعك ، وبرضوا يمكنك من الحصول على تنبيهات منافسينك .

 

10 – Power Suite

هو من افضل البرامج على الاطلاق ، لانه بيوفر مزايا كثيره من تتبع ترتيب موقعك و تتبع الكلمات الرئيسية و الروابط الخارجية و المحتوى و الصور و غيرها من المزايا ، هو بجد برنامج لا غنى عنه لكثير من متخصصين الSEO  . فهو برنامج مجانى بنسبه 100 % ، فهو بيسمح لك ارسال التقارير للبريد الالكترونى الخاص بك .

 

يمكنك مشاهدة ايضا أهمية اشهار المواقع وتهيئة المواقع لمحركات البحث

ذات صلة

اتصل بنا

Cord Digital