نشره اخبار الديجيتال | مدونة كورد ديجتال

اطلاق ميزة جديدة من فيسبوك تسهل من خلالها التواصل مع المسئولين المحليين

اعلن فيس بوك عن انه بدا فى تطبيق ميزة جديدة على منصته الاجتماعة اسمها " قاعة المدينة  Town Hall" و هى ميزة الهدف متها تسهيل التواصل بين مستخدمى الشبكة الاشهر عالميا الفيس بوك و بين المسئولين المحليين فى مدنهم .

و تعتبر من مزاياها انها هتسهل على المستخدمين انهم يوصلوا بسهوله الى الحسابات الخاصة بالمسئولين المحليين فى مدنهم على الشبكة الاجتماعية  اللى هتوفر من خلالها التواصل المباشر مع المسئولين او متابعه حسابتهم .

ميزة " قاعة المدينة  Town Hall"بتشتغل عن طريق انك بتبحث فى خانه البحث الخاصة بالفيس بوك على عنوان المستخدم على الشبكة و بعدها هتظهر لك قائمة بكل حسابات المسئولين عن المدينة الموجودة فى العنوان .

وعدت شركة فيس بوك مستخدميها بان العناوين اللى هيدخلوها من خلال الميزة الجديدة مش هيتم عرضها او مشاركتها مع اى طرف ثالث او مع المسئولين عشان يضمنوا بيها خصوصياتهم .

و تعتمد ميزة " قاعة المدينة  Town Hall" على وجود صفحة رسمية للشخص المسئول او اى معلومات عنه زى مسماة الوظيفى بشرط ان المعلومات دى تكون متاحة للعامة ، و الميزة دى من ضمن خطط العمل اللى نشرها مارك زوكربيرج  على حسابه الشخصى الشهر اللى فات .

ميزة " قاعة المدينة  Town Hall" لسه متفعلتش فى كل الدول ، لانها لسه فى مرحلة التطوير و الاختبار ، فالميزة دى بدات لمستخدمى شبكة التواصل الاجتماعى فى الولايات المتحدة الامريكية كتجربة اولى دون الكشف عن موعد اتاحة الميزة دى فى باقى الدول .

تحسين جديدة من Google بيسمح بمشاهدة الفيديوهات القصيرة فى مرفقات Gmail

اعلنت شركة جوجل عن اضافة تحسين جديد فى خدمتها للبريد الالكترونى Gmail  و هى اضافة مقاطع فيديو ضمن المرفقات ، و التحسين ده مكنش متاح للمستخدمين غير انهم يحملوا الفيديوهات لجهازهم عشان يقدروا يتفرجوا علية .

و اوضحت شركة Google عبر مدونتها الرسمية Google Blog  ان التحسين الجديد هيسمح باستعراض الفيديوهات القصيرة المرفقة مع رسائل البريد الالكترونى بدل ما يقوموا بتحميل الفيديوهات على جهازهم الشخصى حيث انها هتظهر صورة مصغرة للفيديو فى المرفقات بدل رابط التحميل فقط .

و من المنتظر ان التحسين الجديد يستهدف الفيديوهات القصيرة اللى متتعداش حجمها 25 ميجابيت ، و اذا كان الفيديو اكبر من كده هيتم تحميله على خدمة جوجل للتخزين السحابى "Google Drive"

اشارات شركة جوجل ان فكرة تحسين عرض الفيديوهات فى مرفقات Gmail  هستسخدم نفس البنية التقنية المستخدمة فى اليويتوب و جوجل درايف لضمان جودة العرض ، و هيبدا التحسين الجديد خلال ايام قليلة جداً من دلوقتى حيث انها هتكون متوفره خلال 15 يوم لمستخدمى نسخة سطح المكتب "الديسكتوب " .الجدير بالذكر ان جوجل بالتحسين ده اضافات ميزة جديدة لخدمتها لتنضمن لقائمة التحسينات الجديدة الى بتعمل عليها الشركة الفترة الماضية يمكن اخره التحديثات دى هى ميزة ارسال و استقبال الاموال و اللى تعتبر دمج ما بين خدمة Gmailو خدمة المحفظة الالكترونية Google Wallet.

اضافة الوصف التلقائى للتاثيرات الصوتية على Youtube

اعلنت منصة مشاركة مقاطع الفيديو Youtubeالمملوكة لشركة Google .. عن اطلاق نظامها الجديد للتسميات التوضيحية للتاثيرات الصوتية الى بيمكن انه يحدد و يصف بشكل تلقائى التاثيرات الصوتية المتمثلة دلوقتى بالموسيقى و الصوت و الضحك الموجود ضمن مقاطع الفيديو ، و الميزة دى هتنضاف خلال المرحلة اللى جاية مع تدربيها لخوازميات الكشف .

من سنة 2009 و يويتوب استخدم خوارزميات لتوضيح الكلام الموجود ضمن الفيديو بشكل تلقائى ، و حاولت خلال السنين اللى فاتت انها تخلى الفيديوهات اكثر سهولة من حيث الفهم بالنسبة للمستخدمين اللى بيعانوا من الصمم او ضعف السمع ، و فعلا الميزة دى تحسنت كثير بشكل ملوحظ مع مرور الوقت بعكس ما كانت علية من الاول ، و بحسب كلام جوجل من خلال مدونتها للمطورين ان الميزة دة بقت اقرب بكثير من اى وقت للوصول الى معدلات الخطا البشرى .

و بحسب كلام الشركة ان المشكلة مش متعلقة بشكل كبير بامكانيات الحواسيب او الكشف عن الاشياء و تصنفها بقدر ان المشكله تتعلق بعدم وجود قاعدة بيانات هامة للمؤثرات الصوتية ممكن استخدامها عنند تدريب الشبكة العصبية المسئوله عن الكشف و التحديد .

و قرر الفريق التركيز على الموسيقى و الصوت و الضحك بشكل اولى و مبدئى لانها تضيف معنى مهم للحوار الموجود ضمن الفيديوهات بالنسبة للاشخاص اللى بيعانوا من الصمم او ضعف السمع ..

الفيسبوك يختبر ميزة GIF  فى التعليقات

تستعد شبكة التواصل الاجتماعى الفيس بوك خلال الاسبوع القادم عن بدا اختبار ميزة الصور المتحركة GIF  ضمن التعليقات ، و اللى هيسهل على المستخدمين اللى بيحبوا يعبروا عما يرغبونه ضمن التعليقات من خلال الصور المتحركة اللى متخدة من Giphy , Tenor ... و غيرها

و كان مارك زوكربيرج الرئيس التنفيذى للفيس بوك قد اشار خلال فعالية فيس بوك لايف فى شهر ديسمبر الماضى ان الصور المتحركة GIF هتاخد دعم كبير على وجودها ضمن شبكة التواصل الاجتماعى .

اشار متحدث باسم الفسيبوك ان الجميع بيحب الصور المتحركة الجديدة و ان ادارة الفيسبوك على علم ان الناس عاوزين يكونوا قادرين على الرد من خلال التعليقات بصور متحركة لمزيد من سهولة التواصل و لسه الامر حتى الان فى مرحلة الاختبار .

قد لا تعتبر هذه الخطوة المتمثلة بإضافة زر للصور المتحركة يمكن استعماله ضمن التعليقات أمر مفاجئ بالنسبة للمستخدمين، بحيث انه من المرجح ان يتواجد الزر إلى جانب المكان الذي يمكن من خلاله إدراج الصور أو الملصقات لتسهيل إمكانية إضافة الصور المتحركة المفضلة ضمن التعليقات

و هتستمر فترة الاختبار لهذة الميزة الجديدة لمدة زمنية غير معروفة ، و الهدف من فترة الاختبار دى هو معرفة اذا كان المستخدمين هيستعملوها ضمن تعليقاتهم ولا لا ، و ممكن يؤدى الى تفاعل عدد اكبر من المشاركات بدلا من مجرد استعمال رموز.

تعلم المزيد عن: التأثير البصري (VFX) في الوقت الحاضر وأنواعه